Brushinga, zure erosketak mehatxatzen dituen iruzur berria. Jaso al duzu inoiz eskatu ez dugun paketerik?

Banatzaile batek zure atera deitu eta zuretzako pakete bat ekartzea oso ohikoa bihurtu da azken urteotan. Merkataritza elektronikoaren gorakadak eta pandemiak eguneroko bihurtu dute.
Horren guztiaren erdian, askotan txirrina jotzen dute eta ez dakigu zer dakarkiguten; batzuetan, ez dugu gogoratzen zer eskatu dugun ere. Zibergaizkileek egoera horri etekina atera diezaioketela jakin dute. Eskatu ez duzun pakete bat jaso baduzu, brushing izenaz ezagutzen den iruzur baten biktima izan zaitezke.

Modus operandia erraza da: mezulari bat iristen da kutxa batekin eta ordainagiria sinatzeko eskatzen digu. Zibergaizkile batek bidali du pakete hori, eta gure sinadura jasotzean, bidalketaren datuak zuzenak direla baieztatzen du.

Baina nola erabiliko ditu pertsona horrek gure datuak? Hainbat ataritan profilak sor litzake, erosketak gure izenean egin, edo gure nortasuna erabiliz iruzkinak idatzi online salmenta-guneetan.

Paketea onartu baduzu, lehenik eta behin zure kontuak berrikusi eta pasahitzak aldatu behar dituzu. Eta txartelak? Ohikoena da ordainketa-datuak babestuago egotea, baina jarduera susmagarriren bat nabaritzen baduzu, jar zaitez harremanetan zure bankuarekin iruzurrezko edozein kargu erreklamatzeko.

Gainera, gomendagarria da pakete arrotz hori jaso izana poliziaren aurrean salatzea.